Bansiacdemy

1. ພາຍຫຼັງ ໄດ້ຮັບ ການອະນຸຍາດ ສ້າງຕັ້ງບໍລິສັດ ຜ່ານຂະແໜງອຸດສະຫະກໍາ ແລະ ການຄ້າ ແລ້ວຈະຕ້ອງມາແຈ້ງຫາ ຂະແໜງສ່ວຍສາອາກອນ ຕາມການສະໂນດນໍາສົ່ງມາ: - ໃບທະບຽນວິສາຫະກິດ ທີ່ອອກຢູ່ ກົມຄຸ້ມຄອງທະບຽນ ແມ່ນໃຫ້ມາ ກົມສ່ວຍສາອາກອນ; - ໃບທະບຽນວິສາຫະກິດ ທີ່ອອກຢູ່ ພະແນກອຸດສະຫະກໍາ ແລະ ການຄ້າແຂວງ ຫຼື ນະຄອນຫຼວງ ແມ່ນໃຫ້ມາ ສ່ວຍສາອາກອນປະຈໍາແຂວງ, ນະຄອນຫຼວງ; - ໃບທະບຽນວິສາຫະກິດ ທີ່ອອກຢູ່ ຫ້ອງການອຸດສະຫະກໍາ ແລະ ການຄ້າເມືອງ ຫຼື ນະຄອນ ແມ່ນໃຫ້ມາ ສ່ວຍສາອາກອນປະຈໍາເມືອງ, ນະຄອນ. 2. ເຈົ້າໜ້າທີ່ສ່ວຍສາອາກອນ ຂອງພະແນກຄຸ້ມຄອງລາຍຮັບ (ຂັ້ນກົມ) ຫຼື ຂະແໜງຄຸ້ມຄອງລາຍຮັບ ແລະ ບໍລິການຜູ້ເສຍອາກອນ (ຂັ້ນແຂວງ) ຫຼື ກຸ່ມວຽກຄຸ້ມຄອງລາຍຮັບ ແລະ ບໍລິການຜູ້ເສຍອາກອນ (ຂັ້ນເມືອງ) ຈະກວດເບິ່ງເອກະສານ ຕາມສະໂນດ ແລະ ແນະນໍາໄປຕາມຂັ້ນຄຸ້ມຄອງທີ່ຖືກຕ້ອງ, ເຊິ່ງເອກະສານປະກອບມີ: ໃບທະບຽນວິສາຫະກິດ, ສັນຍາສ້າງຕັ້ງບໍລິສັດ, ໃບມອບສິດຕ່າງໆ... ຄົບຊຸດຕາມທີ່ ຂະແໜງອຸດສະຫະກໍາ ແລະ ການຄ້າອອກໃຫ້. 3. ເຈົ້າໜ້າທີ່ສ່ວຍສາອາກອນຕາມຂັ້ນທີ່ຮັບຫົວໜ່ວຍຂອງທ່ານເຂົ້າໃນລະບົບ ຈະແນະນໍາລະບຽບການ, ນິຕິກໍາ ກ່ຽວຂ້ອງ ແລະ ນຳໄປປະກອບເອກະສານຕ່າງໆດັ່ງນີ້: - ສຳລັບ ຫົວໜ່ວຍວິສາຫະກິດ ທີ່ຂື້ນກັບກົມ ແມ່ນຈະໄດ້ປະກອບ ຄໍາແນະນຳການປະຕິບັດພັນທະອາກອນ ໃຫ້ແກ່ຫົວໜ່ວຍທຸລະກີດ ຢູ່ພະແນກຄຸ້ມຄອງເກັບລາຍຮັບ, ອອກໃບຢັ້ງຢືນເຂົ້າສູ່ລະບົບອາກອນມູນຄ່າເພີ່ມຢູ່ ພະແນກຄຸ້ມຄອງອາກອນມູນຄ່າເພີ່ມ ແລະ ອາກອນຊົມໃຊ້, ອອກໃບອະນຸຍາດນໍາໃຊ້ເຄື່ອງບັນທຶກການຂາຍສິນຄ້າ ແລະ ບໍລິການ ຢູ່ພະແນກຄຸ້ມຄອງໃບເກັບເງິນ ແລະ ສະແຕັມອາກອນ; - ສຳລັບ ຫົວໜ່ວຍ ທີ່ຂື້ນກັບແຂວງ ຫຼື ນະຄອນຫຼວງ ແມ່ນຈະໄດ້ປະກອບ ບົດບັນທຶກຮັບຮູ້ການປະຕິບັດພັນທະອາກອນ ໃຫ້ແກ່ຫົວໜ່ວຍທຸລະກີດ ຢູ່ ຂະແໜງຄຸ້ມຄອງລາຍຮັບ ແລະ ບໍລິການຜູ້ເສຍອາກອນ, ອອກໃບຢັ້ງຢືນເຂົ້າສູ່ລະບົບອາກອນມູນຄ່າເພີ່ມ, ໃບອະນຸຍາດນໍາໃຊ້ເຄື່ອງບັນທຶກການຂາຍສິນຄ້າ ແລະ ບໍລິການ ຢູ່ ຂະແໜງຄຸ້ມຄອງອາກອນມູນຄ່າເພີ່ມ, ອາກອນຊົມໃຊ້ ແລະ ໃບເກັບເງິນ; - ສຳລັບ ຫົວໜ່ວຍທີ່ຂື້ນກັບເມືອງ, ນະຄອນ ແມ່ນຈະໄດ້ ປະກອບ ບົດບັນທຶກຮັບຮູ້ການປະຕິບັດພັນທະອາກອນ, ໃບຢັ້ງຢືນເຂົ້າສູ່ລະບົບອາກອນມູນຄ່າເພີ່ມ ຢູ່ ກຸ່ມວຽກ ຄຸ້ມຄອງລາຍຮັບ ແລະ ບໍລິການຜູ້ເສຍອາກອນ, ອອກໃບອະນຸຍາດນໍາໃຊ້ເຄື່ອງບັນທຶກການຂາຍສິນຄ້າ ແລະ ບໍລິການ ຢູ່ ກຸ່ມວຽກບໍລິຫານ-ສັງລວມ. 4. ເມື່ອທ່ານ ປະກອບເອກະສານ ຄົບຖ້ວນຖືກຕ້ອງ ແລະ ຮັບຮູ້ການແຈ້ງການມອບດ້ວຍຕົນເອງສຳເລັດແລ້ວ, ທ່ານສາມາດນໍາໃຊ້ເຄື່ອນໄຫວທຸລະກິດຂອງທ່ານໄດ້ເລີຍ.

ຂໍ້ຄວນພິຈາລະນາດັ່ງນີ້: ກ. ວິສາຫະກິດສ່ວນບຸກຄົນ: - ແມ່ນຮູບແບບທຸລະກິດທີ່ບຸກຄົນດຽວເປັນເຈົ້າຂອງ ແລະ ດຳເນີນງານ. - ບໍ່ມີການແຍກຄວາມຮັບຜິດຊອບທາງດ້ານກົດໝາຍລະຫວ່າງຊັບສິນສ່ວນຕົວຂອງເຈົ້າຂອງ ແລະ ຊັບສິນຂອງວິສາຫະກິດ. ນັ້ນຄື, ເຈົ້າຂອງຕ້ອງຮັບຜິດຊອບໜີ້ສິນຂອງວິສາຫະກິດຢ່າງບໍ່ຈຳກັດ (unlimited liability). - ມັກເປັນທຸລະກິດຂະໜາດນ້ອຍ, ລຽບງ່າຍ ແລະ ບໍ່ຕ້ອງການທຶນຈົດທະບຽນຂັ້ນຕ່ຳທີ່ສູງ. ຕົວຢ່າງ: ຮ້ານຂາຍເຄື່ອງ, ທຸລະກິດຄອບຄົວ, ຫຼື ກິດຈະການບໍລິການສ່ວນບຸກຄົນ. ຂ. ບໍລິສັດຈຳກັດຜູ້ດຽວ: - ແມ່ນຮູບແບບທຸລະກິດທີ່ມີສະຖານະເປັນນິຕິບຸກຄົນ (legal entity), ບ່ອນທີ່ບຸກຄົນດຽວເປັນເຈົ້າຂອງຮຸ້ນທັງໝົດ. - ມີການແຍກຄວາມຮັບຜິດຊອບທາງດ້ານກົດໝາຍລະຫວ່າງຊັບສິນສ່ວນຕົວຂອງເຈົ້າຂອງ ແລະ ຊັບສິນຂອງບໍລິສັດ. ເຈົ້າຂອງຮັບຜິດຊອບພຽງແຕ່ໃນຂອບເຂດທຶນທີ່ລົງທະບຽນໄວ້ (limited liability). - ຕ້ອງມີການຈົດທະບຽນຕາມກົດໝາຍຢ່າງເປັນທາງການ ແລະ ປະຕິບັດຕາມລະບຽບການທີ່ເຂັ້ມງວດກວ່າ, ເຊັ່ນ: ການລາຍງານທາງດ້ານການເງິນ ແລະ ການບັນຊີ. ສ່ວນພັນທະອາກອນທີ່ຕ້ອງປະຕິບັດ ໂດຍລວມແລ້ວບໍ່ໄດ້ຂຶ້ນກັບຮູບການສ້າງຕັ້ງວິສາຫະກິດ ແຕ່ຈະຂຶ້ນກັບຂະໜາດວິສາຫະກິດ ວ່າການດຳເນີນທຸລະກິດ ຖືກຈັດຢູ່ຂະໜາດໃດເຊັ່ນ: - ຖ້າຈັດເປັນ ວິສາຫະກິດຂະໜາດນ້ອຍ, ຂະໜາດກາງ ຫຼື ຂະໜາດໃຫຍ່ ໂດຍລວມຈະປະຕິບັດພັນທະອາກອນຄືກັນ - ຖ້າຈັດເປັນ ຈູນລະວິສາຫະກິດ ຈະຖືກປະຕິບັດພັນທະອາກອນແບບພື້ນຖານ ມີອາກອນລາຍໄດ້ຈູນລະວິສາຫະກິດ 5% ແລະ ສາມາດເລືອກທີ່ຈະເຂົ້າໃນລະບົບອາກອນມູນຄ່າເພີ່ມໄດ້ແບບສະໝັກໃຈ ຫຼື ຈະບໍ່ເຂົ້າກໍໄດ້.

ສ້າງຕັ້ງບໍລິສັດ ດ້ວຍທຶນຈົດທະບຽນ 500,000,000 ກີບ ຕ້ອງເສຍຄ່າ ທຳນຽມເທົ່າໃດ? ແມ່ນອີງຕາມ ລັດຖະບັນຍັດຂອງປະທານປະເທດ ວ່າດ້ວຍຄ່າທຳນຽມ ແລະ ຄ່າບໍລິການ ເລກທີ 002/ປປທ, ລົງວັນທີ 11 ມິຖຸນາ 2021

Podcast ຖ້າຢາກເປີດ ບໍລິສັດ ຫຼື ທຸລະກິດຕົນເອງ ກ່ອນອື່ນຕ້ອງຮູ້ຢ່າງໜ້ອຍ 5 ເລື່ອງນີ້

ນັກສຶກສາທີ່ເລືອກຮຽນ ສາຍບໍລິຫານທຸລະກີດ ຄວນລົງເລິກຝຶກຜົນ 7 ດ້ານນີ້ ເພື່ອໃຫ້ເກີດປະໂຫຍດທີ່ສຸດ ເພື່ອນຳມາໃຊ້ຕົວຈິງ ເຊິ່ງໄດ້ແກ່: 1. ການຈັດການ ແລະ ການວາງແຜນ (Management & Strategy) ການວາງແຜນທຸລະກິດທັ້ງລະຍະສັ້ນ ແລະ ລະຍະຍາວ, ການຈັດໂຄງສ້າງອົງກອນ ແລະ ການມອບໝາຍວຽກງານ, ການບໍລິຫານເວລາ ແລະ ຊັບພະຍາກອນ 2. ການເງິນ ແລະ ບັນຊີ (Finance & Accounting) ການວິເຄາະການເງິນ ເຊັ່ນ: ຜົນການດຳເນີນງານ, ຖານະການເງິນ ແລະ ກະແສເງິນສົດ ເພື່ອສາມາດປະເມີນຄວາມສ່ຽງ ແລະ ສັກກະຍະພາບຂອງທຸລະກິດ ເຊິ່ງຈະຊ່ວຍໃຫ້ສາມາດກຳນົດທິດທາງແກ້ໄຂ, ປັບປຸງ ດ້ານອ່ອນ ຫຼື ເສີມຂະຫຍາຍຈຸດແຂງຂອງຕົນ. ການບໍລິຫານຕົ້ນທຶນ ແລະ ກໍາໄລ ເພື່ອສາມາດຄວບຄຸມຕົ້ນທຶນໃຫ້ມີປະສິດທິຜົນ ແລະ ທີ່ຂາດບໍ່ໄດ້ກໍຄືເລື່ອງການວາງແຜນພາສີອາກອນ ແລະ ເງິນທຶນໝູນວຽນ ຂອງອົງກອນໃຫ້ພຽງພໍກັບການດຳເນີນ ຫຼື ຂະຫຍາຍທຸລະກິດ. 3. ການຕະຫຼາດ ແລະ ລູກຄ້າ (Marketing & Customer Insight) ຄວນສຶກສາດ້ານການວິເຄາະຕະຫຼາດ ແລະ ພຶດຕິກຳຜູ້ບໍລິໂພກ, ຍຸທະສາດການສ້າງ Branding ແລະ ການສື່ສານການຕະຫຼາດ ລວມທັງການເບິ່ງແຍງ ແລະ ຮັກສາລູກຄ້າ (CRM) ໃຫ້ມີປະສິດທິຜົນ ເພື່ອເພີ່ມໂອກາດໃນສ່ວນແບ່ງຕະຫຼາດໃຫ້ສູງຂຶ້ນ 4. ບຸກຄະລາກອນ (Human Resource Management – HRM) ຄວນສຶກສາກ່ຽວກັບ ວິທີການຮັບເຂົ້າ ແລະ ການພັດທະນາພະນັກງານ, ການສ້າງແຮງຈູງໃຈ ແລະ ວັດທະນະທໍາອົງກອນ, ການປະເມີນຜົນງານ ແລະ ການບໍລິຫານທີມງານ 5. ການປະຕິບັດງານ ແລະ ໂລຈິສຕິກ (Operations & Logistics) ຄວນລົງເລິກສຶກສາກ່ຽວກັບ ການວາງລະບົບວຽກງານໃຫ້ມີປະສິດທິພາບ, ການຈັດການຊັບພະຍາກອນສິນຄ້າ ແລະ ຮ່ວງໂສ້ອຸປະທານ, ການຄວບຄຸມຄຸນນະພາບສິນຄ້າ ແລະ ການບໍລິການ 6. ເທັກໂນໂລຊີ ແລະ ນະວັດຕະກໍາ (Technology & Innovation) ຄືການສຶກສາ ການໃຊ້ຊອບແວ/ລະບົບ ERP ຫຼື ໂປຣແກຣມບັນຊີ, ການເຮັດ Digital Transformation (ການຕະຫຼາດອອນລາຍ, AI, Big Data), ການພັດທະນາສິນຄ້າ ແລະ ບໍລິການໃຫມ່ໃຫ້ສອດຄ່ອງກັບຄວາມຕ້ອງການຕະຫຼາດ 7. ກົດໝາຍ ແລະ ການຄຸ້ມຄອງຕາມລະບຽບການ (Legal & Compliance) ຄວນສຶກສາກ່ຽວກັບ ຄວາມຮູ້ກ່ຽວກັບກົດໝາຍທຸລະກິດ, ສ່ວຍສາອາກອນ, ພາສີ, ແຮງງານ ແລະ ກົດໝາຍອື່ນໆທີ່ຕິດພັນກັບທຸລະກິດ ເຊັ່ນ: ການປົກປ້ອງຊັບສິນທາງປັນຍາ (IP), ການເຮັດສັນຍາ ແລະ ການປ້ອງກັນຄວາມສ່ຽງທາງ ກົດໝາຍ

1. ກຸ່ມທຸລະກິດ (Business Group) ໝາຍເຖິງ ກຸ່ມບໍລິສັດ ຫຼື ກິດຈະການທີ່ມີຄວາມສຳພັນກັນພາຍໃຕ້ ການຄວບຄຸມ ຫຼື ຄວາມເປັນເຈົ້າຂອງຮ່ວມກັນ ເຊັ່ນ ບໍລິສັດແມ່ (Parent Company) ແລະ ບໍລິສັດລູກ (Subsidiaries) ຫຼື ບໍລິສັດໃນເຄືອ (Affiliates) ໂດຍລັກສະນະສຳຄັນ: - ມີເຈົ້າຂອງຫຼັກ ຫຼື ຜູ້ຖືຫຸ້ນໃຫຍ່ຮ່ວມກັນ - ມີໂຄງສ້າງຊັດເຈນ ເຊັ່ນ Holding company ເປັນຕົ້ນ - ການບໍລິຫານ ແລະ ຍຸທະສາດ ມັກຈະຖືກກຳນົດຈາກສູນກາງ 2. ເຄືອຂ່າຍທຸລະກິດ (Business Network) ໝາຍເຖິງ ການເຊື່ອມໂຍງລະຫວ່າງທຸລະກິດຫຼາຍທຸລະກິດ ທີ່ອາດຈະ ບໍ່ຈຳເປັນຕ້ອງມີການຖືຮຸ້ນ ຫຼື ການຄວບຄຸມກັນໂດຍກົງ ແຕ່ເຊື່ອມໂຍງກັນເພື່ອປະໂຫຍດຮ່ວມກັນ ເຊັ່ນ ການຮ່ວມມືທາງການຄ້າ, ການແລກປ່ຽນຂໍ້ມູນ ຫຼື Supply Chain ໂດຍມີ ລັກສະນະສຳຄັນ: - ຄວາມສຳພັນແບບພັນທະມິດ (Partnership/Alliance) - ບໍ່ຈຳເປັນຕ້ອງມີການເປັນເຈົ້າຂອງຮ່ວມກັນ - ມີຄວາມຍືດຍື່ນສູງ ສາມາດເຂົ້າຮ່ວມ ຫຼື ຖອນຕົວອອກໄດ້ ຕົວຢ່າງ: ເຄືອຂ່າຍຜູ້ຜະລິດ ແລະ ຜູ້ຈັດຈຳໜ່າຍສິນຄ້າ (Supplier – Distributor – Retailer) ແລະ ເຄືອຂ່າຍທຸລະກິດແຟຣນໄຊນ໌ ເປັນຕົ້ນ

ກ. ໜ້າທີ່ຫຼັກຂອງຝ່າຍຈັດຊື້: 1. ການວາງແຜນການຈັດຊື້: ສຶກສາຄວາມຕ້ອງການຈາກຝ່າຍຕ່າງໆ, ສ້າງແຜນການຈັດຊື້ທີ່ເໝາະສົມກັບງົບປະມານ ແລະ ເວລາ. 2. ຄັດເລືອກ ແລະ ປະເມີນຜູ້ຂາຍ: ໂດຍສົມທຽບຜູ້ຂາຍ, ກວດສອບຄຸນນະພາບ, ລາຄາ, ເງື່ອນໄຂການຊຳລະ ແລະຄວາມເຊື່ອຖື 3. ການສັ່ງຊື້ (Procurement Process): ສ້າງໃບຂໍຈັດຊື້, ສ້າງໃບສັ່ງຊື້ (Purchase Order), ເຈລະຈາຕໍ່ລອງລາຄາ ແລະ ເງື່ອນໄຂການຊຳລະ. 4. ຕິດຕາມການສົ່ງມອບ (Delivery & Logistics): ກວດສອບສະຖານະການສົ່ງເຄື່ອງ, ປະສານງານກັບຝ່າຍສາງ ແລະ ຝ່າຍທີ່ກ່ຽວຂ້ອງ 5. ກວດຮັບ ແລະ ປະເມີນຜົນການຈັດຊື້: ກວດສອບຄຸນນະພາບ ແລະ ປະລິມານສິນຄ້າທີ່ໄດ້ຮັບ, ບັນທຶກຂໍ້ມູນຜູ້ຂາຍ ແລະ ປະເມີນຜົນເພື່ອໃຊ້ໃນອະນາຄົດ 6. ຄວບຄຸມຕົ້ນທຶນ ແລະ ສະໜັບສະໜູນຍຸທະສາດຂອງບໍລິສັດ ເຊັ່ນ: ຫຼຸດຄ່າໃຊ້ຈ່າຍໂດຍບໍ່ກະທົບຄຸນນະພາບ ແລະ ສະໜັບສະໜູນການຜະລິດ ແລະ ການຂາຍໃຫ້ດຳເນີນໄດ້ຕໍ່ເນື່ອງ ຂ. ຄວາມສ່ຽງໃນການປະຕິບັດງານຂອງຝ່າຍຈັດຊື້ ທີ່ຄວນເອົາໃຈໃສ່: 1. ຄວາມສ່ຽງດ້ານລາຄາ ແລະ ຕົ້ນທຶນ: ຊື້ສິນຄ້າແພງເກີນຄວາມເປັນຈິງ ແລະ ບໍ່ໄດ້ປຽບທຽບລາຄາຫຼາຍແຫຼ່ງ 2. ຄວາມສ່ຽງດ້ານຄຸນນະພາບສິນຄ້າ: ໄດ້ສິນຄ້າທີ່ບໍ່ກົງຕາມການສັ່ງຊື້ ຫຼື ມາດຕະຖານທີາກຳນົດ, ອາດສົ່ງຜົນກະທົບຕໍ່ການຜະລິດ ຫຼື ຄວາມພໍໃຈຂອງລູກຄ້າ 3. ຄວາມສ່ຽງດ້ານຜູ້ຂາຍ: ຜູ້ຂາຍສົ່ງຂອງຊ້າ ຫຼື ສົ່ງບໍ່ຄົບ ເຊິ່ງອາດເຮັດໃຫ້ຂາດຄວາມເຊື່ອຖືຈສກລູກຄ້າ → ກະທົບຕໍ່ທຸລະກິດ 4. ຄວາມສ່ຽງດ້ານເອກະສານ ແລະ ກົດໝາ: ເອກະສານຈັດຊື້ບໍ່ຖືກຕ້ອງ → ປັນຫາການກວດສອບບັນຊີ ແລະ ບໍ່ປະຕິບັດຕາມລະບຽບການຈັດຊື້ຂອງບໍລິສັດວາງອອກ 5. ຄວາມສ່ຽງດ້ານທຸຈະລິດ (Fraud Risk): ມີການສົມຍອມລາຄາກັບຜູ້ຂາຍ ຫຼື ເລືອກຊື້ຈາກຜູ້ຂາຍທີ່ບໍ່ມີຄຸນນະພາບເນື່ອງຈາກຜົນປະໂຫຍດສ່ວນຕົວ 6. ຄວາມສ່ຽງດ້ານລະບົບ ແລະ ຂໍ້ມູນ ເຊັ່ນ: ບັນທຶກຂໍ້ມູນຜິດພາດ → ເກີດປັນຫາເຄື່ອງຄ້າງສາງ ແລະ ງົບປະມານ ແລະ ບໍ່ມີການສຳຮອງຂໍ້ມູນ ຫຼື ໃຊ້ລະບົບບໍ່ປອດໄພ ດັ່ງນີ້ເປັນຕົ້ນ. ຄ. ສິ່ງທີ່ພະນັກງານຈັດຊື້ໃໝ່ຄວນສຶກສາ ແລະ ເອົາໃຈໃສ່ : 1. ສຶກສາ ແລະ ປະຕິບັດຕາມ ຂັ້ນຕອນ ແລະ ລະບຽບການຈັດຊື້ຂອງບໍລິສັດ 2. ຝຶກທັກສະການເຈລະຈາຕໍ່ລອງ (Negotiation Skills) 3. ການປະເມີນ ແລະ ຄັດເລືອກຜູ້ຂາຍ 4. ຄວນມີຄວາມຮູ້ດ້ານບັນຊີ ແລະ ເອກະສານການເງິນ 5. ການໃຊ້ລະບົບ ERP ຫຼື ໂປຣແກຣມຈັດຊື້( ເຊັ່ນ ໂປຣແກຣມ ປະກາຍທິບ ) ເພື່ອເຮັດວຽກໄດ້ໄວ ແລະ ແມ່ນຍຳ 6. ກົດໝາຍ, ຈັນຍາບັນ ແລະ ຄວາມໂປ່ງໃສ ເປັນສຳຄັນ

ໃນວັນທີ 2 ກັນຍາ 2025, ກະຊວງອຸດສາຫະກຳ ແລະ ການຄ້າ ໄດ້ລົງນາມເອກະສານ MOU ກັບ ບໍລິສັດ ຊີພີ ອໍລ໌ ລາວ ເພື່ອຮ່ວມມືຈັດຕັ້ງໂຄງການສິນຄ້າລາວກ້າວສູ່ມາດຕະຖານສາກົນ ມີທ່ານນາງ ມະນີວອນ ວົງໄຊ ເປັນຫົວໜ້າກົມ ແລະ ທ່ານ ສັນຕິສຸກ ພູນສະຫວັດ ເປັນຫົວໜ້າກົມການຄ້າພາຍໃນ ຄຽງໄປກັບ ທ່ານ ທາຕີ ຈິຣະບັນຈົງຈິດ, Managing Director ຂອງ ບໍລິສັດ ຊີພີ ອໍລ໌ ລາວ. ເປົາໝາຍຂອງໂຄງການ ຄືການຍົກລະດັບຄຸນນະພາບ ແລະ ມາດຕະຖານຂອງສິນຄ້າເດັ່ນ, ເພື່ອເປີດໂອກາດຈຳໜ່າຍສິນຄ້າລາວໃນຕະຫຼາດໃນແບບກວ້າງຂວາງ ແລະ ສ້າງວຽກເຮັດ, ອາຊີບ, ແລະ ລາຍໄດ້ໃຫ້ກັບຜູ້ປະກອບການແລະຜູ້ຜະລິດໃນປະເທດ. ທ່ານນາງ ມະນີວອນ ວົງໄຊ ເລີ່ມກ່າວວ່າ ກົມສົ່ງເສີມຈຸນລະວິສາຫະກິດ (ວິສາຫະກິດຂະໜາດນ້ອຍ ແລະ ກາງ) ເປັນກົມທີ່ພັດທະນາຜູ້ປະກອບການ, ສິນຄ້າ, ການຜະລິດ, ຄຸນນະພາບ, ພັດທະນາສິນຄ້າ, ຫັດຖະກຳ ແລະ ສົ່ງເສີມການເຂົ້າເຖິງແຫຼ່ງທຶນ. ຜົນປະໂຫຍດຂອງໂຄງການ ແມ່ນການຍົກລະດັບຄຸນນະພາບການຜະລິດ, ປັບປຸງຄຸນນະພາບສິນຄ້າ, ຂະຫຍາຍຕະຫຼາດ, ແລະ ເປັນໂອກາດສ້າງຄວາມສາມາດໃນການແຂ່ງຂັນ. ການຮ່ວມມືລະຫວ່າງພາກລັດ ແລະ ທຸລະກິດຈະເປັນຕົ້ນທຳໃນການນຳສິນຄ້າລາວເຂົ້າສູ່ຕະຫຼາດໃນແລະຕ່າງປະເທດ. ປັດຈຸບັນ, ສປປ ລາວ ມີ ອີເລຟເວັ່ນ 19 ສາຂາ ໃນແຂວງຕ່າງໆ ຊ່ວຍໃຫ້ຜູ້ທ່ອງທ່ຽວແລະຜູ້ບໍລິສັດສາມາດເຂົ້າຖືກເສັງສິນຄ້າລາວທ້ອງຖິ່ນໄດ້ຢ່າງຊັດເຈນ, ຊ່ວຍເສີມການເຕີບໂຕທາງເສດຖະກິດຢ່າງຍືນຍົງ.

ການບໍລິຫານຊັບພະຍາກອນມະນຸດຫລື (ການບໍລິຫານງານບຸກຄົນ) ເປັນການປະຕິບັດການກ່ຽວ ກັບເລື່ອງສ່ວນຕົວບຸກຄົນພາຍໃນອົງການໃດໜຶ່ງ ຊຶ່ງເລີ່ມແຕ່ການຈັດຫາຄົນເຂົ້າເຮັດວຽກ, ການຄັດເລືອກ

ຮູ້ຄວາມຕ້ອງການຂອງລູກຄ້າແລະພຶດຕິກໍາ ພັດທະນາຜະລິດຕະພັນ ຫຼື ການບໍລິການທີ່ຕອບສະໜອງຄວາມຕ້ອງການ ເພີ່ມ​ໂອ​ກາດ​ຂອງ​ທ່ານ​ໃນ​ການ​ແຂ່ງ​ຂັນ​