ໃບລາຍງານຖານະການເງິນ ແມ່ນຫຍັງ, ມີໂຄງສ້າງແນວໃດ ແລະ ເປັນຫຍັງ ນັກບັນຊີ-ການເງິນ ແລະ ຜູ້ບໍລິຫານຕ້ອງໃສ່ໃຈ ແລະ ມີຜົນຕໍ່ການຍື່ນບົດສະຫຼຸບບັນຊີປະຈຳປີ…

ການນຳໃຊ້ເງິນຂອງບໍລິສັດ ໂດຍເຈົ້າຂອງບໍລິສັດນັ້ນໂດຍສະເພາະບໍລິສັດທີ່ເປັນນິຕິບຸກຄົນ ວິທີການທີ່ຖືກຕ້ອງຕາມກົດໝາຍ ທີ່ເຈົ້າຂອງບໍລິສັດສາມາດນຳເງິນອອກມາໃຊ້ໄດ້ມີດັ່ງນີ້: 1. ການຮັບເງິນເດືອນ ແລະ ຄ່າແຮງງານ ເຈົ້າຂອງບໍລິສັດສາມາດຈ້າງຕົນເອງເປັນ ຜູ້ອຳນວຍການ/ຜູ້ຈັດການ ຫຼື ພະນັກງານ ແລະ ຮັບເງິນເດືອນຕາມຄວາມເປັນຈິງ. ຕ້ອງມີເອກະສານປະກອບ ເຊັ່ນ: ສັນຍາຈ້າງ, ບັນຊີລາຍຊື່ພະນັກງານ, ໃບຈ່າຍເງິນເດືອນ ແລະມີການຫັກອາກອນເງິນເດືອນໃຫ້ຖືກຕ້ອງ. ຂໍ້ດີຂອງວິທີນີ້ ສາມາດລົງເປັນເປັນຄ່າໃຊ້ຈ່າຍຂອງບໍລິສັດ ແລະ ຖືກຕ້ອງຊັດເຈນ. 2. ການຮັບເງິນປັນຜົນ ຖ້າບໍລິສັດມີກຳໄລສຸທິ ແລະ ໄດ້ປິດບັນຊີປະຈຳປີແລ້ວ, ເຈົ້າຂອງ (ໃນຖານະຜູ້ຖືຮຸ້ນ) ສາມາດຮັບເງິນປັນຜົນໄດ້ ໂດຍບໍລິສັດຕ້ອງຈັດກອງປະຊຸມຜູ້ຖືຮຸ້ນ, ມີມະຕິອະນຸມັດການຈ່າຍເງິນປັນຜົນ ແລະ ຫັກອາກອນເງິນປັນຜົນ 10% ແລະ ແຈ້ງມອບພາຍໃນ 15ມື້ ນັບແຕ່ມື້ຈ່າຍເງິນປັນຜົນ. ຂໍ້ດີຂອງວິທີນີ້: ເປັນວິທີທີ່ຖືກຕ້ອງຕາມກົດໝາຍ, ຊັດເຈນ ແລະ ເປັນລາຍຮັບທີ່ບໍ່ຈຳເປັນຕ້ອງນຳໄປຄິດໄລ່ອາກອນລາຍໄດ້ອື່ນອີກ. 3. ການເບີກຄ່າໃຊ້ຈ່າຍທີ່ກ່ຽວຂ້ອງກັບທຸລະກິດ ໂດຍລາຍຈ່າຍ ໄດ້ແກ່: ຄ່າເດີນທາງ, ຄ່າໂທລະສັບ ແລະ ຜົນປະໂຫຍດອື່ນໆ ໃຫ້ເຈົ້າຂອງລົງລາຍຈ່າຍບໍລິສັດ ຕ້ອງມີໃບຮັບເງິນ, ໃບເກັບເງິນ ລາຍການໃຊ້ຈ່າຍທີ່ຊັດເຈນ ຫລື ເປັນໄປຕາມລະບຽບລວມຂອງບໍລິສັດໃນການປະຕິບັດນະໂຍບາຍຕໍ່ຜູ້ບໍລິຫານ. ຂໍ້ດີຂອງວິທີນີ້: ສາມາດລົງເປັນບັນຊີລາຍຈ່າຍຂອງບໍລິສັດໄດ້ ແຕ່ບາງລາຍການອາດຖືກລວມເຂົ້າໃນພື້ນຖານຄິດໄລ່ອາກອນເງິນເດືອນ ຫລື ອາກອນລາຍໄດ້ບຸກຄົນ ຕາມກົດໝາຍອາກອນລາຍໄດ້ກຳນົດ. 4. ການຍືມເງິນຈາກບໍລິສັດ (ໄລຍະສັ້ນ, ໄລຍະຍາວ ແລະ ມີສັນຍາກູ້ຢືມ) ເຈົ້າຂອງສາມາດເຮັດສັນຍາຢືມເງິນຈາກບໍລິສັດໄດ້, ແຕ່ຕ້ອງລະບຸ ໄລຍະເວລາ, ດອກເບ້ຍ ແລະ ການຊຳລະຄືນ ໃຫ້ຊັດເຈນ. ບໍລິສັດຕ້ອງມີການບັນທຶກບັນຊີເປັນ “ລູກໜີ້ການເງິນ” ແລະ ຕິດຕາມການຊຳລະຄືນຕາມຈິງ. ❗ ຂໍ້ຄວນລະວັງ: ຖ້າຢືມໂດຍບໍ່ມີຫຼັກຖານ ຫຼື ບໍ່ຊຳລະຄືນ ອາດເຂົ້າຂ່າຍການຍັກຍອກ ຫຼື ຫຼີກລ່ຽງອາກອນ. 5. ການຂາຍຊັບສິນສ່ວນຕົວໃຫ້ບໍລິສັດ ເຈົ້າຂອງສາມາດຂາຍຊັບສິນ ເຊັ່ນ: ລົດ, ທີ່ດິນ ຫຼືອຸປະກອນ ໃຫ້ບໍລິສັດໄດ້ຕາມລາຄາຕະຫຼາດ, ຕ້ອງມີເອກະສານການໂອນກຳມະສິດ ແລະ ບໍລິສັດຕ້ອງບັນທຶກຊັບສິນນັ້ນໃນບັນຊີ. ✔ ຂໍ້ດີ: ຖືກຕ້ອງຕາມກົດໝາຍ ຖ້າມີເອກະສານຄົບຖ້ວນ ແລະ ອາດມີການຄິດໄລ່ອາກອນຫັກໄວ້ເວລາຈ່າຍ ເພື່ອໃຫ້ມີຄ່າປັບໄໝຈາກການໄລ່ລຽງຄືນດ້ານອາກອນ.

ການວິເຄາະຖານະທາງການເງິນ ວິສາຫະກິດ ຫລື ກິດຈະການໃດໜຶ່ງ ມັນສ່ອງແສງທາງດ້ານ ...

ການວິເຄາະກະແສເງິນສົດ (Cash Flow Analysis) ເປັນຂະບວນການທີ່ສຳຄັນໃນການປະເມີນສະຖານະທາງການເງິນຂອງທຸລະກິດ ໂດຍຊ່ວຍໃຫ້ເຫັນເຖິງຄວາມສາມາດໃນການສ້າງເງິນສົດ, ການຈັດການເງິນສົດ, ແລະ ຄວາມສາມາດໃນການຊຳລະໜີ້. ເຕັກນິກສຳຄັນມີດັ່ງນີ້: 1. ການວິເຄາະເງິນສົດຈາກກິດຈະກຳ 3 ດ້ານ ແບ່ງເງິນສົດອອກເປັນ 3 ກິດຈະກຳຕາມໃບລາຍງານດະແສເງິນສົດ: - ກິດຈະກຳດຳເນີນງານ (Operating Activities): ສະແດງເງິນສົດຈາກການດຳເນີນທຸລະກິດຫຼັກ ເຊັ່ນ: ເງິນຮັບຈາກການຂາຍ, ເງິນຈ່າຍເດືອນ ເປັນຕົ້ນ. - ກິດຈະກຳການລົງທຶນ (Investing Activities): ສະແດງເງິນສົດຈາກການລົງທຶນໃນຊັບສົມບັດຖາວອນ ເຊັ່ນ: ຊື້ອຸປະກອນ, ຂາຍຊັບສົມບັດ. - ກິດຈະກຳຈັດຫາເງິນທຶນ (Financing Activities): ສະແດງເງິນສົດຈາກການລະດົມທຶນ ເຊັ່ນ: ກູ້ຢືມ, ຈ່າຍເງິນປັນຜົນ. ໃນນັ້ນ, ເຕັກນິກທີ່ໃຊ້ໃນການວິເຄາະ ກະແສເງິນສົດ ໄດ້ແກ່: - ປຽບທຽບເງິນສົດຈາກແຕ່ລະກິດຈະກຳລະຫວ່າງງົບ ເພື່ອເບິ່ງແນວໂນ້ມຂອງເງິນສົດ. - ກວດສອບວ່າເງິນສົດຈາກກິດຈະກຳດຳເນີນງານເປັນບວກຫຼືບໍ່ ເພາະເປັນຕົວຊີ້ບອກຄວາມສາມາດໃນການສ້າງເງິນສົດ. 2. ການວິເຄາະອັດຕາສ່ວນທາງການເງິນທີ່ກ່ຽວຂ້ອງກັບເງິນສົດ - Cash Flow Ratio: Cash Flow Ratio= ເງິນສົດຈາກກິດຈະກຳດຳເນີນງານ/ໜີ້ສິນຫມຸນວຽນ ເພື່ອວັດຄວາມສາມາດໃນການຊຳລະໜີ້ສັ້ນຄັ້ງ. - Operating Cash Flow to Sales Ratio: Operating Cash Flow to Sales= ເງິນສົດຈາກກິດຈະກຳດຳເນີນງານ/ຍອດຂາຍ ເພື່ອເບິ່ງວ່າຍອດຂາຍປ່ຽນເປັນເງິນສົດໄດ້ຫຼາຍຫນ້ອຍເທົ່າໃດ. - Cash Flow Coverage Ratio: Cash Flow Coverage = ເງິນສົດຈາກກິດຈະກຳດຳເນີນງານ/ພາລະດອກເບ້ຍ ເພື່ອວິເຄາະຄວາມສາມາດໃນການຊຳລະດອກເບ້ຍ. 3. ການວິເຄາະແນວໂນ້ມ (Trend Analysis) - ວິເຄາະເງິນສົດຍ້ອນຫຼັງຫຼາຍປີເພື່ອເບິ່ງແນວໂນ້ມ. - ເນັ້ນການປຽບທຽບເພື່ອເບິ່ງວ່າທຸລະກິດມີການພັດທະນາດ້ານການສ້າງເງິນສົດບໍ່. 4. ການວິເຄາະຄຸນນະພາບກຳໄລ (Earnings Quality) ປຽບທຽບກຳໄລສຸດທິກັບເງິນສົດຈາກການດຳເນີນງານ: - ຖ້າກຳໄລສູງແຕ່ເງິນສົດຕຳ່ ອາດຊີ້ບອກວ່າທຸລະກິດມີບັນຫາໃນການຮັບເງິນຈາກລູກໜີ້. 5. ການວິເຄາະເງິນສົດອິດສະຫຼະ (Free Cash Flow Analysis) ຄຳນວນເງິນສົດອິດສະຫຼະ: Free Cash Flow} = ເງິນສົດຈາກກິດຈະກຳດຳເນີນງານ} - ຄ່າໃຊ້ຈ່າຍລົງທຶນ ເພື່ອເບິ່ງວ່າທຸລະກິດມີເງິນສົດເຫຼືອພຽງພໍສຳລັບການຂະຫຍາຍກິດຈະກຳ ຫຼື ຈ່າຍເງິນປັນຜົນບໍ່.

ການຄຸ້ມຄອງ ເພື່ອຮັບປະກັນຄວາມສ່ຽງທີ່ອາດຈະເກີດຂຶ້ນການ ການດຳເນີນງານ ຫລື ການສໍ້ໂກງ ຂອງພະນັກງານ ຫລື ພາກສ່ວນທີ່ກ່ຽວຂ້ອງ ໂດຍທົ່ວໄປການຄຸ້ມຄອງໃນສ່ວນນີ້ ແມ່ນແບ່ງໜ້າທີ່ກັນຢ່າງຂາດຕົວລະຫວ່າງ: - ການຮັບເ

ການທຳລາຍ ເອກະສານການບັນຊີ ຖ້າວ່າ ເອກະສານການບັນຊີ ໝົດອາຍຸໃນການເກັບຮັກສາແລ້ວ ຕ້ອງໄດ້ກວດກາລະອຽດລາຍການ, ເນື້ອໃນເອກະສານທີ່ຈະທຳລາຍ ແລະ ຕ້ອງນຳສະເໜີຕໍ່ຜູ້ບໍລິຫານຂອງອົງກອນ ຢ່າງເປັນລາຍລັກອັກສອນ ເພື່ອຂໍອະນຸມັດໃຫ້