ບັນຊີ 401 ”ໜີ້ຕ້ອງສົ່ງ ຜູ້ສະໜອງ ສິນຄ້າ, ວັດຖຸ” ບັນທຶກກ່ຽວກັບ ຈຳນວນເງິນທີ່ຕິດໜີ້ຜູ້ສະໜອງ ນັບທັງລາຍການຊຳລະສະສາງ ທີ່ຕິດພັນກັບການຊື້ ສິນຄ້າ, ວັດຖຸດິບ ແລະ ວັດຖຸປະກອບ.

ບັນຊີ 707 “ຂາຍສິນຄ້າ” ບັນທຶກ ກ່ຽວກັບ ຈໍານວນເງິນລາຍຮັບນອກອາກອນ ຈາກການອອກໃບເກັບເງິນຂາຍສິນຄ້າ.

ບັນຊີ 1618 ແມ່ນບັນທຶກ ກ່ຽວກັບ ໜີ້ຕ້ອງຮັບ ອື່ນໆ ນຳຜູ້ສະໜອງ ຍົກເວັ້ນ ບັນຊີ 1611 ຫາ ບັນຊີ 1613 ແລະ ໄດ້ມີການບັນທຶກບັນຊີຄືກັນກັບ ບັນຊີ 1611 ຫາ ບັນຊີ 1613.

ບັນຊີ 1613 ແມ່ນບັນທຶກ ກ່ຽວກັບ ໜີ້ຕ້ອງຮັບ ບ້ວງ ເຄື່ອງຫຸ້ມຫໍ່ ແລະ ອຸປະກອນຕ້ອງສົ່ງຄືນ ເວລາຜູ້ສະໜອງມັດຈຳ ໃຫ້ຫົວໜ່ວຍນຳໃຊ້ເຄື່ອງຫຸ້ມຫໍ່.

ບັນຊີ 1612 ແມ່ນບັນທຶກ ກ່ຽວກັບ ສ່ວນຫຼຸດຕ້ອງຮັບ ຈາກຜູ້ສະໜອງ ຄ່າສິນຄ້າ, ຄ່າຈ້າງບໍລິການ ຫຼື ຄ່າຊື້ຊັບສົມບັດຄົງທີ່.

ບັນຊີ 606 ແມ່ນບັນທຶືກກ່ຽວກັບ ຈຳນວນເງິນລາຍການຊື້ວັດຖຸ ແລະ ເຄື່ອງໃຊ້ຫ້ອງການ ທີ່ບໍ່ສະສົມໃນສາງ ຫຼື ບໍ່ເປັນການຊື້ເຂົ້າສາງ ຕົ້ນຕໍ່ລວມ ມີລາຍຈ່າຍໃນການຊື້ວັດຖຸທີຊົມໃຊ້ໝົດ, ໝາຍຄວາມວ່າບໍ່ມີລັກສະນະສະສົມໃນສາງ.