ບັນຊີ 169 ແມ່ນບັນທຶກ ກ່ຽວກັບ ຈຳນວນເງິນ ທີ່ພະນັກງານ, ຜູ້ສະໜອງ, ອົງການປະກັນສັງຄົມ ແລະ ລັດ ເປັນໜີ້ ເຊີ່ງຫົວໜ່ວຍທຸລະກິດ ອາດຈະເກັບກູ້ຄືນບໍ່ໄດ້ ເນື່ອງຈາກວ່າ ຖານະການເງິນ ຂອງພາກສ່ວນດັ່ງກ່າວ ມີສະພາບຫຍຸ້ງຍາກ.

ບັນຊີ 168 ແມ່ນບັນທຶກ ກ່ຽວກັບ ຈຳນວນເງິນ ລໍຖ້າສະສາງໃນກໍລະນີທີ່ໄດ້ຮັບສິນຄ້າຈາກຜູ້ສະໜອງແລ້ວ, ແຕ່ຍັງບໍ່ທັນໄດ້ຮັບໃບເກັບເງິນຂາຍ ຈາກຜູ້ສະໜອງ.

ບັນຊີ 167 ແມ່ນບັນທຶກ ກ່ຽວກັບ ຈຳນວນເງິນ ອມພ ທີ່ຫັກບໍ່ໝົດແຕ່ເດືອນຜ່ານມາ ແລະ ສາມາດຫັກໄດ້.

ບັນຊີ 166 ແມ່ນບັນທຶກ ກ່ຽວກັບ ຈຳນວນເງິນ ອມພ ທີ່ຕິດພັນກັບການຊື້ ສິນຄ້າ ແລະ ການບໍລິການ ທີ່ສາມາດຫັກໄດ້.

ບັນຊີ 165 ແມ່ນບັນທຶກ ກ່ຽວກັບ ຈຳນວນເງິນ ອມພ ທີ່ຕິດພັນກັບການຊື້ ຊັບສົມບັດຄົງທີ່ ແລະ ສາມາດຫັກໄດ້.

ບັນຊີ 164 ແມ່ນບັນທຶກ ກ່ຽວກັບ ຈຳນວນເງິນ ອາກອນກຳໄລ ມອບລ່ວງໜ້າ ເປັນງວດ ຕາມລະບຽບການສ່ວຍສາອາກອນ.

ບັນຊີ 162 ແມ່ນບັນທຶກ ກ່ຽວກັບ ຈຳນວນເງິນ ທີ່ຫົວໜ່ວຍທຸລະກິດ ໄດ້ຈ່າຍລ່ວງໜ້າ ໃຫ້ອົງການປະກັນສັງຄົມ ກ່ຽວກັບ ເງິນບຳລຸງປະກັນສັງຄົມ.