ບັນຊີ 209 ແມ່ນບັນທຶກ ກ່ຽວກັບ ຈຳນວນເງິນ ຄູ່ກົງກັບ ໃບຢັ້ງຢືນຊັບຄົງທີ່ ທີ່ໄດ້ຮັບ.

ບັນຊີ 207 ແມ່ນບັນທຶກ ກ່ຽວກັບ ດອກເບ້ຍເງິນໃຫ້ກູ້ຢືມ ແລະ ໜີ້ຕ້ອງຮັບປະເພດດຽວກັນ.

ບັນຊີ 206 ແມ່ນບັນທຶກ ກ່ຽວກັບ ເງິນລົງທຶນ ໃນອະສັງຫາລິມະຊັບ ເພື່ອແນໃສ່ນຳຜົນຕອບແທນຄືນ ໃນໄລຍະກາງ ຫຼື ໄລຍະຍາວ ແຕ່ຫາກບໍ່ມີສ່ວນຮ່ວມໃນການຄຸ້ມຄອງວິສາຫະກິດທີ່ກ່ຽວຂ້ອງ.

ບັນຊີ 205 ແມ່ນບັນທຶກ ກ່ຽວກັບ ຈຳນວນເງິນທີ່ໄດ້ຈ່າຍ ໃຫ້ພາກສ່ວນອື່ນ ໃນຖານະເປັນການຄ້ຳປະກັນ ໃຫ້ແກ່ການປະຕິບັດຂໍ້ຜູກພັນ ແລະ ຈະແຕະຕ້ອງບໍ່ໄດ້ ຈົນກວ່າຈະສິ້ນສຸດກຳນົດຂໍ້ຜູກພັນ.

ບັນຊີ 204 ແມ່ນບັນທຶກ ກ່ຽວກັບ ຈຳນວນເງິນທີ່ໄດ້ໃຫ້ພາກສ່ວນອື່ນກູ້ຢືມ ອິງຕາມບັນດາຂໍ້ກຳນົດ ທີ່ໄດ້ບົ່ງໄວ້ຢູ່ໃນຂໍ້ຜູກພັນນຳກັນ ທີ່ມີກຳນົດ ເວລາກາຍໜື່ງປີຂື້ນໄປ.

ບັນຊີ 203 ແມ່ນບັນທຶກ ກ່ຽວກັບ ເງິນລົງທຶນຊື້ ພັນທະບັດລັດຖະບານ ຊຶ່ງຫົວໜ່ວຍ ມີເຈດຕະນາຮັກສາໄວ້ຢ່າງຍາວນານ ຫຼື ບໍ່ມີຄວາມສາມາດ ທີ່ຈະຂາຍອອກໃນໄລຍະອັນສັ້ນໆໄດ້, ທີ່ເປັນຈຳນວນຫຼາຍ.

ບັນຊີ 202 ແມ່ນບັນທຶກ ກ່ຽວກັບ ເງິນຝາກໝູນ ຊື່ງຫົວໜ່ວຍມີຄວາມສາມາດ ກໍຄືເຈດຕະນາ ຫຼື ພັນທະ ທີ່ຈະຮັກສາໄວ້ ຈົນເຖິງກຳນົດເວລາ.