ບັນຊີ 219 ແມ່ນບັນທຶກ ກ່ຽວກັບ ຈຳນວນເງິນ ຄູ່ກົງກັບ ຫຼັກຊັບຄົງທີ່ ທີ່ໄດ້ຮັບ.

ບັນຊີ 218 ແມ່ນບັນທຶກ ກ່ຽວກັບ ຈຳນວນເງິນປັນຜົນຕ້ອງຮັບ ທີ່ຕິດພັນກັບ ພູດສ່ວນຮຸ້ນໃນວິສາຫະກິດ ທີ່ຊື້ຊັບສິນສຸດທິ.

ບັນຊີ 217 ແມ່ນບັນທຶກ ກ່ຽວກັບ ຈຳນວນເງິນປັນຜົນຕ້ອງຮັບ ທີ່ຕິດພັນກັບ ເງິນລົງທຶນ ໃນວິສາຫະກິດປະສົມ.

ບັນຊີ 216 ແມ່ນບັນທຶກ ກ່ຽວກັບ ຈຳນວນເງິນປັນຜົນຕ້ອງຮັບ ຫຼື ດອກເບ້ຍຕ້ອງຮັບ ທີ່ຕິດພັນກັບ ການຮ່ວມປະກອບທຶນ.

ບັນຊີ 214 ແມ່ນບັນທຶກ ກ່ຽວກັບ ຈຳນວນເງິນຊື້ຮຸ້ນ ໃນຊັບສິນສຸດທິ (ເງິນລົງທຶນໃນອະສັງຫາລິມະຊັບ) ເພື່ອແນໃສ່ນຳຜົນຕອບແທນຄືນ ແລະ ມີສ່ວນຮ່ວມໃນການຄຸ້ມຄອງ ວິສາຫະກິດທີ່ກ່ຽວຂ້ອງ.

ບັນຊີ 213 ແມ່ນບັນທຶກ ກ່ຽວກັບ ຈຳນວນເງິນ ທີ່ໄດ້ໃຫ້ ບໍລິສັດໃນກຸ່ມ ກູ້ຢືມ ອິງຕາມບັນດາຂໍ້ກຳນົດ ທີ່ໄດ້ບົ່ງໄວ້ຢູ່ໃນຂໍ້ຜູກພັນນຳກັນ ທີ່ມີກຳນົດເວລາ ກາຍໜຶ່ງປີຂື້ນໄປ.

ບັນຊີ 211 ແມ່ນບັນທຶກ ກ່ຽວກັບ ຈຳນວນເງິນ ຊື້ຮຸ້ນສາມັນ ນຳບໍລິສັດອື່ນ ໃນຈຳນວນແຕ່ 20% ເຖີງ 50% ຂອງຮຸ້ນສາມັນ ຊຶ່ງຖືວ່າເປັນເງິນລົງທຶນ ທີ່ມີອິດທິພົນສຳຄັນໃນການຕັດສິນໃຈກ່ຽວກັບ ນະໂຍບາຍທາງການເງິນ ແລະ ການດຳເນີນງານ

ບັນຊີ 210 ແມ່ນບັນທຶກ ກ່ຽວກັບ ຈຳນວນເງິນ ຊື້ຮຸ້ນສາມັນ ນຳບໍລິສັດອື່ນ ໃນຈຳນວນສູງກວ່າ 50% ຂອງຮຸ້ນສາມັນ ຊຶ່ງຖືວ່າເປັນເງິນລົງທຶນ ທີ່ມີອຳນາດ ເຂົ້າໄປຄວບຄຸມ ບໍລິສັດດັ່ງກ່າວ.