ລາຍລະອຽດ ໄດ້ອະທິບາຍ ແລະ ມີການບັນທຶກບັນຊີ ຢູ່ໃນບັນຊີ 208 “ໜີ້ຕ້ອງຮັບຄົງທີ່ການເງິນອື່ນໆ”; ບັນຊີ216 “ໜີ້ຕ້ອງຮັບອື່ນໆ ທີ່ຕິດພັນກັບການຮ່ວມປະກອບທຶນ”, ບັນຊີ 217 “ໜີ້ຕ້ອງຮັບອື່ນໆ ທີ່ຕິດພັນກັບ ບໍລິສັດຮຸ້ນສ່ວນ”

ບັນຊີ 719 “ສ່ວນຫຼຸດລາຄາທີ່ໄດ້ຫຼຸດ ຕິດພັນກັບລາຍຮັບຈາກກິດຈະການສຳຮອງ” ບັນທຶກ ກ່ຽວກັບ ຈໍານວນເງິນສ່ວນຫຼຸດລົງຂອງໜີ້ຕ້ອງຮັບ ໃນເມື່ອມີການຫຼຸດຕື່ມການຄ້າໃຫ້ລູກຄ້າ.

ບັນຊີ 718 “ລາຍຮັບຈາກ ກິດຈະການສຳຮອງອື່ນໆ” ບັນທຶກ ກ່ຽວກັບ ຈໍານວນເງິນລາຍຮັບສໍາຮອງທີ່ບໍ່ໄດ້ບັນທຶກເຂົ້າບັນຊີ 711 ຫາ 717.

ບັນຊີ 665 “ມູນຄ່າສ່ວນຫຼຸດ ບ້ວງຫຼັກຊັບລົງທຶນ” ບັນທຶກ ກ່ຽວກັບ ມູນຄ່າສ່ວນຫຼຸດ ບ້ວງຫຼັກຊັບລົງທຶນເກີດຂື້ນ ເວລາມູນຄ່າກວດນັບ ຫຼື ຂາຍອອກ ຂອງຫຼັກຊັບລົງທຶນ ຕ່ຳກ່ວາມູນຄ່າຕົ້ນທຶນຊື້ຫຼັກຊັບລົງທຶນ.

ບັນຊີ 648 “ອາກອນ ແລະ ຄ່າທຳນຽມອື່ນໆ” ບັນທຶກ ກ່ຽວກັບ ຈໍານວນເງິນ ອາກອນ ແລະ ຄ່າທໍານຽມຕ່າງໆທີ່ບໍ່ໄດ້ຍົກຂື້ນໃນບັນຊີ 641 ຫາ 647 ຊຶ່ງຫົວໜ່ວຍຕ້ອງໄດ້ຈ່າຍໃຫ້ລັດຕາມລະບຽບການ.