ບັນຊີ 238 ສາມາດແຍກຍ່ອຍດັ່ງນີ້: ບັນຊີ 241 ຊັບສົມບັດຄົງທີ່ ມີຕົວຕົນ; ບັນຊີ 242 ຊັບສົມບັດຄົງທີ່ ບໍ່ມີຕົວຕົນ; ບັນຊີ 243 ຊັບສົມບັດຄົງທີ່ - ສຳປະທານ.

ບັນຊີດັ່ງກ່າວ ແນໃສ່ສະແດງໃຫ້ເຫັນມູນຄ່າ ຊັບສົມບັດຄົງທີ່ ພວມຊື້ ຫຼື ພວມຜະລິດ, ລວມທັງ ເງິນໃຫ້ລ່ວງໜ້າ ແລະ ຈ່າຍກ່ອນສ່ວນໜຶ່ງໂດຍວິສາຫະກິດ ໃຫ້ແກ່ພາກສ່ວນອື່ນ ເພື່ອແນໃສ່ຊື້ຊັບສົມບັດຄົງທີ່.

ຊັບສົມບັດຄົງທີ່ ເຊົ່າສິນເຊື່ອ ຊຶ່ງທາງດ້ານກົດໝາຍ ບໍ່ເປັນກຳມະສິດຂອງຫົວໜ່ວຍ ແຕ່ຫາກກົງກັບນິຍາມຂອງຊັບສິນ ທີ່ເປັນຊັບສົມບັດຄົງທີ່ ມີຕົວຕົນ ໃນຊັບສິນຂອງຜູ້ເຊົ່າ ແລະ ເປັນໜີ້ຕ້ອງຮັບ ຢູ່ຊັບສິນຂອງຜູ້ໃຫ້ເຊົ່າ.

ຊັບສົມບັດຄົງທີ່ການເງິນອື່ນໆ ປະກອບດ້ວຍ ເງິນລົງທຶນ ຊື່ງວິສາຫະກິດແນໃສ່ຮັກສາໄວ້ຢ່າງຍາວນານ ຫຼື ຍັງເປັນບໍ່ໄດ້ທີ່ຈະຂາຍອອກໄວໄດ້. ໃນນີ້, ມີ ເງິນລົງທຶນແນໃສ່ເພື່ອຂາຍອອກ, ເງິນລົງທຶນຖືໄວ້ຈົນຄົບກຳນົດ, ເງິນລົງທຶນໃນພ