ທຶນ ແລະ ບັນຊີປະເພດດຽວກັນ ປະກອບດ້ວຍເງິນລົງທຶນຂອງ ຜູ້ຖືຮຸ້ນ ແລະ ເງິນສົດຂອງເຈົ້າຂອງທຸລະກິດທີ່ຮັກສາໄວ້ຍາວ. ໃນນີ້ມີ ທຶນຈົດທະບຽນ, ສ່ວນເພີ່ມມູນຄ່າຮຸ້ນ, ແລະ ບັນຊີທຶນ ຂອງເຈົ້າຂອງທຸລະກິດ.

ບັນຊີ 238 ແມ່ນບັນທຶກ ໃນທ້າຍປີ ກ່ຽວກັບ ຈຳນວນເງິນທີ່ໄດ້ຈ່າຍລ່ວງໜ້າ ໃຫ້ຜູ້ສະໜອງ ຊັບສົມບັດຄົງທີ່ ມີຕົວຕົນ ແລະ ບໍ່ມີຕົວຕົນອື່ນໆ ແຕ່ຊັບສົມບັດດັ່ງກ່າວຍັງບໍ່ທັນມາຮອດ.

ບັນຊີ 232 ແມ່ນບັນທຶກ ກ່ຽວກັບ ຈຳນວນເງິນ ຕິດຕາມ ຕົ້ນທຶນ ຊັບສົມບັດຄົງທີ່ ບໍ່ມີຕົວຕົນ ທີ່ໄດ້ຊື້ ຫຼື ຕິດຕາມຕົ້ນທຶນ ຊັບສົມບັດຄົງທີ່ ບໍ່ມີຕົວຕົນ ຜະລິດເອົາເອງ ທີ່ບໍ່ທັນສຳເລັດໃນປີ.

ບັນຊີ 231 ແມ່ນບັນທຶກ ກ່ຽວກັບ ຈຳນວນເງິນ ຕິດຕາມ ຕົ້ນທຶນ ຊັບສົມບັດຄົງທີ່ ມີຕົວຕົນ ທີ່ໄດ້ຊື້ ຫຼື ຕິດຕາມຕົ້ນທຶນ ຊັບສົມບັດຄົງທີ່ ມີຕົວຕົນ ຜະລິດເອົາເອງ ທີ່ບໍ່ທັນສຳເລັດ ໃນປີ.

ບັນຊີດັ່ງກ່າວ ແນໃສ່ສະແດງໃຫ້ເຫັນມູນຄ່າ ຊັບສົມບັດຄົງທີ່ ພວມຊື້ ຫຼື ພວມຜະລິດ, ລວມທັງ ເງິນໃຫ້ລ່ວງໜ້າ ແລະ ຈ່າຍກ່ອນສ່ວນໜຶ່ງໂດຍວິສາຫະກິດ ໃຫ້ແກ່ພາກສ່ວນອື່ນ ເພື່ອແນໃສ່ຊື້ຊັບສົມບັດຄົງທີ່.