ບັນຊີ 238 ແມ່ນບັນທຶກ ໃນທ້າຍປີ ກ່ຽວກັບ ຈຳນວນເງິນທີ່ໄດ້ຈ່າຍລ່ວງໜ້າ ໃຫ້ຜູ້ສະໜອງ ຊັບສົມບັດຄົງທີ່ ມີຕົວຕົນ ແລະ ບໍ່ມີຕົວຕົນອື່ນໆ ແຕ່ຊັບສົມບັດດັ່ງກ່າວຍັງບໍ່ທັນມາຮອດ.

ບັນຊີ 237 ແມ່ນບັນທຶກ ໃນທ້າຍປີ ກ່ຽວກັບ ຈຳນວນເງິນທີ່ໄດ້ຈ່າຍລ່ວງໜ້າ ໃຫ້ຜູ້ສະໜອງ ຊັບສົມບັດຄົງທີ່ການເງິນ ແຕ່ຊັບສົມບັດດັ່ງກ່າວຍັງບໍ່ທັນມາຮອດ.

ບັນຊີ 231 ແມ່ນບັນທຶກ ກ່ຽວກັບ ຈຳນວນເງິນ ຕິດຕາມ ຕົ້ນທຶນ ຊັບສົມບັດຄົງທີ່ ມີຕົວຕົນ ທີ່ໄດ້ຊື້ ຫຼື ຕິດຕາມຕົ້ນທຶນ ຊັບສົມບັດຄົງທີ່ ມີຕົວຕົນ ຜະລິດເອົາເອງ ທີ່ບໍ່ທັນສຳເລັດ ໃນປີ.

ບັນຊີ 701 “ຂາຍຜະລິດຕະພັນ ສຳເລັດຮູບ” ແລະ ບັນຊີ 702 “ຂາຍຜະລິດຕະພັນ ລະຫວ່າງກາງ” ບັນທຶກກ່ຽວກັບຈຳນວນເງິນລາຍຮັບນອກອາກອນ ຈາກການຂາຍຜະລິດຕະພັນ ສຳເລັດຮູບ ແລະ ຜະລິດຕະພັນ ເຄີ່ງສຳເລັດຮູບ.

ບັນຊີ 1611 ແມ່ນບັນທຶກ ກ່ຽວກັບ ຈຳນວນເງິນ ທີ່ຫົວໜ່ວຍທຸລະກິດ ໄດ້ຈ່າຍລ່ວງໜ້າ ໃຫ້ຜູ້ສະໜອງ ເພື່ອສັ່ງຈອງ ສິນຄ້າ, ການບໍລິການ ຫຼື ຊັບສົມບັດຄົງທີ່.

ແມ່ນບັນທຶກຈຳນວນເງິນສົດ ທີ່ໄດ້ມອບລ່ວງໜ້າໃຫ້ພະນັກງານໃນໄລຍະຊົ່ວຄາວ ເພື່ອນຳໃຊ້ເຂົ້າໃນບາງວຽກງານ ເຊັ່ນ: ຊື້ວັດຖຸຮັບໃຊ້ການຜະລິດ ຫຼື ສິນຄ້າ, ຄ່າໃຊ້ຈ່າຍໃນການເດີນທາງ ແລະ ອື່ນໆ.